# أن تكون مغربيا

- المغربي كاتلقاه عارف الدين مزيان أو فاهمو عارف  الحلال عارف الحرام  ولكين  تايصلي على حساب المناسبات أو الأعياد . فحنا واحد الشعب الي تنحللو أو نحرمو على حساب تغيرات الجو فالحقيقة ما كدبوش ...الإيمان فالقلب .

- المغربي واحد الإنسان  اللي اناني شي شوية مثلا تا تلقي الولد فالدار هو الشاف على ختو حيت انه هو من يحقو يهضر مع البنت الي تشها ولكين إلا مشى يلقاها مع شي ولد داك النهار الي غادوز هو أكفس نهار فحياتها .

- المغربي تايفهم فكلشي فالإقتصاد فالسياسة فالدين فيما جيتيه عالم ومع دلك الرزق ضايع  أويستحيل تلقى شي مغربي تخصر ليه شحاجا فالدار أو يعيط على لمعلم فالبلاصة ولكين خاصو إجرب حضو تا إلا ما صدقاتش عاد إعيط على لمعلم .ليهادا ف فأي دار مغربية تا تلقا  واحد  هو البلومبي هو الترسيان هو كلشي .

- المغربي  عزيز عليه إيبان آه عزيز عليه إيبان  إبان بالطوموبيل إبان بتيليفونو ...بمعنى شوفوني

المغربي فأغلب الأحيان تالف  معرفش راسو فين غادي كتسولو فين راك غادي تايقول ليك أودي والله إلا غير غادي

- المغربي مستعد إكدب باش إدير ليك خاطرك شحال من مرة كتعيط لشي حد تاتقول ليه فين غبرتي تايجوبك بكل تقة فالنفس يالله لقيتني بغيت نعيط ليك ولا تلاقا بيه فالطريق تاتقول  شحال هادي ما جيتي نشوفوك تايجاوبك بكل تقة فالنفس يالله كنت تنفكر فيك.

- المغربي عزيز عليه يفوح فشحال من واحد تا تلقاه مدوز الصيف كامل فالنعاس نهار كتسولو كداز الصيف تما كتبدا القنابل المسيلة للدموع مشيت لمراكش دوزت فيها شي يامات من بعد طلعت للشمال او من بعد مشيت خيمت ففاس فالبحر .

- -المغربي يمكن إصايب ليك فيلم فدقيقة  خير دليل أن الأزواج من بعد ما تايمشي إزها ملي تاتسولة الزوجة ديالو فين كنتي دغيا تايصايب ليها الفليم مرفوق بالسيناريو أو الشخصات أو البطل