العياقة عند المغاربة

العياقة  كتعريف هو نوع من أنواع التباهي  والغرض منها  إثارة الإنتباه بمعني شوفوني  أو   كل واحد أو لعياقة ديالو . خليوكوم معانا :

- بعد المرات تايكون شي حد راكب فالسيارة ديالو تايطلق الموسيقى  أو تايجهد ليها تال الحد موسقي الي ربما ما فاهمش الكلمات ديالها  .

- كاين الي تا تايعاقي  بالنوع د الموسسيقى الي تاسمع ليه مثلا إدا كنتي نتا كتسمع للشعبي فالنظر ديالو نتا إنسان متخلف حيت هو كيسمع ل جيسي جي ريانا طوكيو أوطيل بمعني نتا ماشي ولد الوقت .

- كاين عاود الي تايعيق بالأصل ديالو فمثلا تا تلقى الفاسي تايعيق على الكازاوي أو الرباطي تايعيق على الطنجاوي ولكين المراكشي هو باهوم فالعياقة. 

- كاين عاود الي تايعيق على صحابو حيت تيسكر حيت تايكمي حيت البارح دوز ليلة زاهية مع مومسة  .

 -  مع ظهور الفايسبوك بان واحد النوع جديد دلعياقة حيت أنه مثلا تا تلقا شي حد ناعس فدارو تايكتب فالمور ديالو سواري إنوبليابل أفيك ليزامي.

- كاين  الي تايعيق بالسوبير مارشي الي تايتسوق منو أو كاين الي تايعيق بالقهوة الي تايتقهوا فيها  أو كاين الي تايعياقي بالبلاصة الي تيصيف فيها  حنا  كل صيف تنمشيو لكندا  أو تا تلقاه الصيف كامل مدوزو غير  قدام البيسي.

- كاين الي تايعيق بالمدرسة  الي تايقرا فيها  مثلا طالب طالب فالمدرسة الوطنية للتجارة والتدبير تايعيق على  طالب فالكلية  حنا سيستيم ديالنا ماشي بحالكم.

- كاين الي تايعيق  بالنفود والسلطة الي عندو   أو الي دوا يرعف أو هاد النوع دلعياقا تانلقاوه بزاف عند ولد الكوميسير أو بنت الكوميسير .

- كاين الي تايعيق باللغات الي  تايتكلمهم أو هاد النوع دلعياقا أغلب المغاربة تايعانيو منو   مثلا تا تلقا شي حد يلاه   حفظ 2 كليمات فاللغة الإنجليزية فيما يدوي إعاودهوم ليك  ". شيت"

- أخطر عياقا هي ملي تايكونو  البنات  تايهضرو بناتهم  انا أوخاطيبي غادي نمشيو ندوزو شهر العسل فإصطنبول أو تا تلاقاها مصيفة فالسعيدية   ولا كاع مصيفة فدار عكوزتها أنا أوخاطيبي لبارح تعشينا فواحد الريسطو 5 إتوال أو تا تلقاها معشيا ب 5 دلبيضات.

نختموها بواحد البيت الشعري . ملأى السنابل تنحني بتواضع والفارغات رؤوسهن شوامخ .